Ni neu.
Nire
aukerak ikusita helburu argi baina urrunak jartzen dituena.
Neu naiz
bakarrik interpretatu, prozesatu eta ondorio okerrak ateratzen dituena.
Nire
itzalean ezkutuan geratzeko tentaldia eman diona.
Okerrak
egiten ditut, asko gainera.
Pazientzia
gutxikoa, eta batzuetan … astuna.
Baina hori
ere naiz ni. Oraindik bukatugabea.
Beste
batzuk ematen dizkidaten baimenak eman nahi dizkiot nire buruari.
Neure beldurrekin
sortu izan dudan kartzela hautsiko dut, sentimenduak kontrolatu nahi dituen
harrizko gotorleku hori hautsiko dut.
Ateak ireki
eta iragana irten dadin utziko dut, zikinak birziklatu.
Nire ondorio
oker batzuen itxi-usainak amets-hauts bihurtzeko behar duten oxigenoa aurkituko
du.
Oxidatutako
jarrerak koipeztatuko ditut. Aurrera jarraitzen usten ez zizkidaten porrotak
onartuko ditut.
Negar
egiteko baimena emango diot neure buruari bertan doazen malkoetan mina irteten
utzirik.
Bizi nahi
dut.
Lotsarik
gabe negar egin nahi dut.
Kontrola
galdu nahi dut.
Aukeratu
egin nahi dut.
Beldurrei
aurre egin nahi diet.
Askatasunean
bizi nahi dut.
Bihotz
zabalik maitatu nahi dut.
Baldintza
gabe egon nahi dut.
Kalera
irten eta sakon arnastu nahi dut.
Kolore
guztiekin margotuko naiz.
Ez diot
beldurrik izango sentitutako bakardadeari.
Egunero-egunero
ispiluaren aurrean aurkitzen dudanari samurtasunez beteriko irribarre polit bat
eskainiko diot.
Goiko hitz guztiak ni neu naizen honi eskainiko dizkiot.
AITZIBER
No hay comentarios:
Publicar un comentario